《讀者請教》
同男朋友阿媽發生一啲問題，佢父母係第一批打針，話想預防病毒同身體健康，可以長命啲，最近因為公司真係要員工打針，不過我有醫生紙，伯母知道之後就好大反應，其實佢之前都不斷催我同男朋友打針，佢好惡咁話我:「其實打咗針基本上就冇咩事，偏偏你個身體唔知做乜唔打得!你估唔打得真係對你有益咩?一陣間感染病毒真係搵鬼可憐你？ 明明打針可以保平安，你嘅身體都唔知咩構造，千祈唔好累到周圍啲人! 睇你有排都未可以去到旅行!」 伯母係趁男朋友入廁所沖涼嘅時候講㗎。
阿伯母, 你估每兩個禮拜做一次檢測好開心咩? 撞正返工時間去做檢測要扣錢㗎大佬! 我男朋友話要忍下老人家，佢哋咁扯火都係著緊健康問題，咁你哋話邊個唔啱呀？我可以忍得幾多 ？老人家老咗係咪大曬?樣樣都要人遷就?
其實佢應該點樣同佢阿媽講好啲? 男朋友唔在場嘅時候我應唔應該出聲反駁 ?定係聽完就算? 下次如果面對同樣問題該唔該發脾氣 ？
謝謝大家。
＃我的極品四大長老
Search